پەرەسەندنی سێ میلیار دولاریی هەناردەی ئێران بۆ چین لە ماوەی نۆ مانگی ڕابردوودا
باڵوێزی ئێران لە پیکەن وتی : هەناردەی ئێران بۆ چین لە ماوەی نۆ مانگی ڕابردوو لەچاو ماوەی هاوچەشنی ساڵی ڕابردوو واتە 2016 سێ میلیار دولار پەرەی سەندووە .
عەلی ئەسغەر خاجی باڵوێزی تاران لە پیکەن ڕۆژی شەممە لە وتووێژ لەگەڵ ئیرنا بە ئاماژەدان بەمەی کە چین گەورەترین شەریکی بازرگانی ئێرانە وتی : بە پێی ئاماری گومرکی چین، ئێران لە ماوەی نۆ ماوەی ڕابردوودا، سێزدە میلیار و هەشتاوهەشت ملوێن دولار کالای بۆ چین ناردووە و ئەم ڕێژەیە لە چاو ماوەی هاوچەشنی ساڵی ڕابردوو سێ میلیار دولار پەرەی سەندووە .
خاجی وتیشی : ئاستی بازرگانی نێوان تاران و پیکەن لە ماوەی نۆ مانگی ڕابردوو زۆرتر لە بیست و حەوت میلیار دولار بووە کە ئاستی تیجاریی 540 میلیون دولاری بە فازانجی ئێران بووە .
باڵوێزی تاران لە پیکەن بە ئاماژەدان بەمەی هەروەک ساڵانی ابردوو نەوتی نەپاڵاوتە گرینگترین کاڵای هەناردەی ئێران بۆ چینە وتیشی : ئاستی هەناردەی نەوتی نەپاڵاوتەی ئێران بۆ چین لە ماوەی نۆ مانگی ڕابردوو هەشت میلیار و 74 ملوێن دولار بووە و پیکەن بە هاوردەی لە ڕۆژدا 633 هەزار بەرمیل نەوت لە تاران، گەورەترین کڕیاری نەوتی ئێران دێتە ئەژمار .
بەوتەی خاجی ئێران لە ماوەی نۆ مانگی ڕابردوو زۆرتر لە 22 ملوێن تون کالای بە بایخی پێنج میلیار دولار و 14 ملوێن دولار هەناردەی غەیرە نەوتی بۆ چین هەناردە کردووە کە ئەم ڕێژەیە لە باری کێشەوە شایەتی پەرەسەندنی سەتی بیست و هەشت و لە باری بایخیشەوە پەرەیەکی سەتی 27.8 هەبووە.
