وتەبێژی وەزارەتی دەرەوەی کۆماری ئیسلامیی ئێران، پێی داگرت: هەموو گەشتەکانی ئێران بەرەو وڵاتانی بیانی لەوان ئەورووپا، بە بێ هیچ کێشەیەک و بە شێوەی ڕۆژانە بەردەوامە.

"بەهرام قاسمی" ڕۆژی چوارشەممە لە کاردانەوە بە بڵاو بوونەوەی هەواڵی تووشی کێشە بوونی فڕۆکەی هەڵگری وەزیری دەرەوەی ئێران لە مونیخ لە بواری پێگەیشتنی سووتەمەنیەوە وتی: ئەم مەسەلە شتێکی زۆر گەورە نەبوو، بەڵکوو لەبەر کورت بوونی ماوەی سەفەری وەزیری دەرەوەی ئێران بۆ مونیخ و بەرتەسک بوونی کاتی سەردانی محەممەد جەواد زەریف لە مۆسکۆ، کۆمپانییەکانی گەیاندنی سووتەمەنی لە فڕۆکەخانەی مونیخ بەرەوڕووی شک و گومان و درەنگخێزییەکی نەخوازراو بوونەوە.

وتەبێژی وەزارەتی دەرەوەی کۆماری ئیسلامیی ئێران ڕاشکاوانە رایگەیاند: بە مەبەستی پێشگری بە سەرهەڵدانی کێشە لە سەفەری لێژنەی ئێرانی بۆ ڕووسیا و بەشداریی وەزیری دەرەوەی ئێران لە کۆبوونەوەی ھزرگەی "واڵدای" لە مۆسکۆ، بە هۆی بەدواداچوون و هەواهەنگییەک کە سەبارەت بەو کێشەی سووتەمەنیە لەگەڵ وەزارەتی دەرەوەی ئەڵمان کرا، سووتەمەنیی پێویستی فڕۆکەی هەڵگری لێژنەی ئێرانی دابین کرا.