لەئەنجامی پێکدادانی دوو شەمەندەفەری خێرا لە ئیسپانیا، لانیکەم پەنجا کەس گیانیان لەدەست دا.

ئاژانسی هەواڵیی فرانس پرێس بڵاویکردەوە، بەهۆی پێکدادانی دوو شەمەندەفەری خێرا لە ویلایەتی تۆلیدۆی ئیسپانیا، لانیکەم پەنجا کەس گیانیان لەدەستداوە و دەیان کەسیش برینداربوون. ترس هەیە ژمارەی کوژراوان بە شێوەیەکی بەرچاو بەرزبێتەوە.

ئەم ڕووداوە دوای نۆ مانگ دێت لە پێکدادانی شەمەندەفەرە خێراکانی هەمان کۆمپانیاکان لەسەر هەمان ڕێگا لە نزیک ئادامۆس لە پارێزگای کۆردۆبا و بەهۆیەوە چل و شەش کەس گیانیان لەدەستدا. ئەو ڕووداوە مشتومڕی لەسەر ئاستی وەبەرهێنان لە پاراستنی هێڵی ئاسنەڕێی ئیسپانیا لەم ساڵانەی دواییدا دروستکردووە.