ئەنجوومەنی سێنای فەڕەنسا سەرلەبەیانی ئەمڕۆ چوارشەممە، بە ٢٢٩ دەنگی ئەرێ لەهەمبەر ١٠٥ دەنگی نا، پرۆژەیاسای ناسراو بە "تێکدەران دەبێ باج بدەن"ی پەسەند کرد.

ئەو پرۆژەیاسایە کە بەئامانجی قەرەبووی خەسار و زیانەکانی توندوتیژیی و وێرانکردنی سامانی گشتی و تایبەتی ئامادەکراوە، ڕێوشوێنی تازە لەخۆ دەگرێ بەمەبەستی کۆنترۆڵکردنی نەزمی گشتی و دانانی بەربەست و بەرتەسکیی لەبەردەم بەڕێوەچوونی خۆپیشاندانەکان.

بڕگەی یەکەمی ئەو پرۆژەیاسایە، بەرپرسایەتی مەدەنیی هەندێ دەستەبەریی و گەرەنتی پێس بینی دەکا کە ڕێژەکەی بۆ هەر تاکێک دە هەزار یۆرۆ دیاری کراوە. بەپێی ئەو پرۆژەیاسایە، بەشێک لە ئیمتیازەکانی خێزانی، دەرماڵەو یارمەتیی خەرجی نیشتەجێبوون و یارمەتیی هاودەنگیی چالاک(RSA) یش دەتوانێ بۆ وەرگرتنی بڕەپارەی پەیوەست بە خەسار و زیانەکان پاش سزادرانی یەکجاریی بۆ تاوانباران، دەستی بەسەردابگیرێ. ئەو یاسایە هەروەها پسولەو یارمەتیی دراڤیی چالاکیی پرۆفشناڵ و یارمەتیی تایبەتیش لەخۆ دەگرێ.

بەم حاڵەش، پرۆسەی پەسەندکرانی کۆتایی هەروا بەردەوامەو پێویستە پرۆژەکە جارێکی دیکە لە ئەنجوومەنی نیشتمانیی فەڕەنسا تاووتوێ بکرێ.