زەریف : ئەمریکا لە کاتی بڕیاری هەڵە لە بارەی بەرجام رووبەڕووی کاردانەوەی گونجاوی ئێران دەبێت
وەزیری دەرەوەی کۆماری ئیسلامیی ئێران گوتی : بێتوو ئەمریکا بڕیارێکی هەڵە لە بارەی بەرجام بدات ، رووبەڕووی کاردانەوەی گونجاوی ئێران دەبێ .
بەپێی راپۆرتی ئیرنا ، موحەممەد جەواد زەریف بە ئاماژە بەوەی کە کۆماری ئیسلامیی ئێران لە بەرجامدا لەسەر بنەمای بەرژەوەندیەکانی خۆی بڕیار ئەدات ، وتیشی : پێشبینی پێویست بۆ ئەوەی کە بڕیاری ئەمریکا لە بارەی بەرجام کاریگەریەکی لەسەر ژیانی خەڵک نەبووە ، ئەنجام بووە .
وەزیری دەرەوەی ئێران جەختی کردەوە : بەرژەوەندیی ئێران دەبێ لە بەرجامدا دەستەبەر بکرێ ئەگینا ئەگەر ئەمریکا بیهەوێ بە شێوازی جیاجیا گوشاری ئابووری بێنێ بۆسەر ئێران ، ئێران بێگومان کاردانەوەی گونجاوی دەبێ .
زەریف ، چوونەدەر لە بەرجامی یەکێکی دیکە لە بژارەکانی ئێران لە بەرامبەر بڕیاری ئەگەریی ئەمرکیا ناو برد و گوتی : ئێران تا ئێستا پێبەندی بەرجام بووە بەڵام لە بەرامبەردا ئەمریکیەکان پێبەندی بەرجام نەبوون کە ئەوە نیشاندەری جێ متمانەنەبوونی ئەمریکیەکانە .
