دیداری زەریف لەگەڵ وەزیرانی دەرەوەی چین و ئەندونیزیا لە سەنگاپوور
وەزیری دەرەوەی ئێران لەگەڵ وەزیری دەرەوەی چین و ئەندونیزیا بەشێوەی جیاجیا دیداری کرد و سەبارەت بە پرسەکانی جێی سەرنجی دوو لایەنە، وتووێژی کرد .
بەپێی ڕاپۆرتی ئیدارەی دیپلۆماسی میدیایی وەزارەتی دەرەوەی ئێران، محەممەد جەواد زەریف کە بۆ بەشداریکردن لە کۆبوونەوەی یەکێتیی وڵاتانی باشووری ڕۆژهەڵاتی ئاسیا ئاسێ ئان سەردانی سەنگاپووری کردووە، ئەمڕۆ هەینی لەگەڵ وانگ یی وەزیری دەرەوەی چین سەبارەت بە پرسەکانی دوولایەنە و بەرجام، وتووێژی کرد.
وەزیری دەرەوەی ئێران هەروەها لە چاوپێکەوتن لەگەڵ رتنو مرسودی، وەزیری دەرەوەی ئەندونیزی سەبارەت بە پرسە سەرنج ڕاکێشەکانی دوولایەنە بەتایبەتی هاوکاریی ئابووری، بەرجام و گرینگترین پرسەکانی ناوچەیی و نێودەوڵەتی وتووێژی کرد .
زەریف کە شەوی پێنج شەممە و دوای سەفەرێکی دوو ڕۆژە بۆ سەریلانکا بەمەبەستی بەشداریکردن لە کۆبوونەوەی یەکێتی وڵاتانی باشووری ڕۆژهەڵاتی ئاسیا واتە ئاسێ ئان سەردانی سەنگاپووری کردووە دوێنێ پێنج شەممە وێڕای بەشداری کردن لەم کۆبوونەوەیەو مۆرکردنی بەڵگەی پەیوەست بوونی ئێران بە پەیمانی دۆستایەتی و هاوکاریی ئا سێ ئان ، لە پەراوێزی ئەم کۆبوونەوەیە لەگەڵ ژومارێک لە وەزیرانی دەرەوە لەوان وەزیرانی دەرەوەی مالیزیا،فیلیپین، ڕووسیا، تورکیا، ڤێتنام و سەرۆک کۆمار و سەرۆک وەزیرانی سەنگاپوور دیدار و تووێژی کرد .
وەزیرانی دەرەوەی ئەندامی ئاسێ ئان، لە ڕۆژی دووشەممەوە لە سەنگاپوور کۆ بوونەتەوە هەتا سەبارەت بە پرسەکانی ناوچەیی و واوەناوچەیی هاوپێوەند بەم یەکێتییە و پەیمانی تاک وتووێژ بکەن.
