سەرتیپ حاتەمی: ئێران پێشکەوتنی باشی بووە لەمەڕ بەرزکردنەوەی ئاستی دەسەڵات و وردبوونی مووشەکەکان
وەزیری بەرگریی وپشتیوانیی هێزە چەکدارەکانی ئێران وتی: لە پرۆژە بەرگرییەکان بەتایبەت وردبینی و دەسەڵاتی مووشەکەکان، کۆماری ئیسلامی پێشکەوتنی زۆر بەرچاوی بووە.
سەرتیپ"ئەمیر حاتەمی" وەزیری بەرگریی و پشتیوانی هێزە چەکدارەکانی ئێران ئەمڕۆ چوارشەممە لەنێو پەیامنێراندا وتی: ئێران لەبواری جۆراوجۆری وەک مووشەکی ئاسمان بۆ ئاسمان، زەوی بۆ ئاسمان، زەوی بۆ زەوی، ئاست بۆ ئاست، لێواردەریا بۆ دەریا و ژێرئاو بۆسەر ئاو، توانای بەرچاوی بەدەست هێناوە.
سەرتیپ حاتەمی وتی: هێزە چەکدارەکانی ئێران ئەوپەڕی هەوڵیان دەکارگرتووە بۆ پاراستن و بەهێزکردنی دەسەڵاتی بەرگریی کۆماری ئیسلامی.
"حەزرەتی ئایەتوڵڵا خامەنەیی" ڕێبەری باڵای شۆڕشی ئیسلامی لە ٣١ی ئاگۆستی٢٠١٦ لەنێو وەزیر، بەرپرسان، توێژەران و پسپۆرانی وەزارەتی بەرگریی ئێران، فەرمووی: پەرەی توانای بەرگریی و هێرشبەریی، مافی ڕەوای کۆماری ئیسلامیی ئێرانە.
