وەزیری ئیتیلاعاتی کۆماری ئیسلامیی ئێران باسی ناسکران و گیرانی حەوت کەس لە دەست و پێوەندەکانی تاقمی تیرۆریستی داعشی کرد لە ئێراندا.

بە پێی ڕاپۆرتی ئیرنا، سەیید مەحمود عەلەوی وەزیری ئیتیلاعاتی کۆماری ئیسلامیی ئێران ڕۆژی یەکشەممە لە پەراوێزی سەردانی پیشانگای دەستکەوتەکانی بەرگریکارانەی وڵات لە نوێژگەی ئیمام خومەینی(رە) لە نێو ئاپۆڕەی پەیامنێراندا وتیشی: ھێزە ئاسایشتییەکانی ئێران ، ھەتاکو ئێستا بەو پەڕی وریایی و لە سەرھەست بوون و ھەروەھا بە پێ و شوێنگرتنی ھەمە لایەنە، جوڵانەوەی دوژمنانیان خستوەتە ژێر چاودێریی خۆیانەوە.

عەلەوی لە بارەی دەستھاتەکانی پیشەسازیی بەرگریکارانەو پێشکەوتنەکانی ئێران لەمک بوارەش دا پێی داگرت: لەم بارەیەوە گەشە، پێشکەوتن ، پەرە پێ دان و داھێنانی نوێ لە ئێراندا مسۆگەر کراوە.

سەیید مەحمود عەلەوی وەزیری ئیتیلاعاتی کۆماری ئیسلامیی ئێران  ھەروەھا وتیشی: ئەمڕۆ پێشکەوتنەکان بە جۆرێکن کە بایکۆتەکان پوچەڵ بوونەتەوەو لە بەشی جۆربەجۆردا لەوانە جەنگئامێری زەوینی، ئاسمانی، دەریایی و ژێر دەریاییک دەستکەوتی زۆر باش و بایەخمەند لە ئێراندا مسۆگەر کراوە.