تازیەبارانی حسێنی لە سەرانسەری ئێران بە رەچاوکردنی پرۆتۆکۆلە تەندروستیەکان ، نوێژی نیوەڕۆی عاشورایان بە یادی سەروەر و سالاری شەھیدان حەزرەتی ئیمام حسێن(ع) دابەست .

تازیەدارانی حسێنی لە کات و ساتە بەراییەکانی ئەمڕۆ یەکشەممە بە لەبەرچاوگرتنی رێنماییە تەندروستیەکان کە لە لایەن  بنکەی نیشتمانیی کرۆناوە راگێندرا ، دەستیاندایە تازیەداری و شینگێڕیی بۆ سەروەری شەھیدانی حسێن کوڕی عەلی(ع) .

 نوێژی نێوەڕۆی عاشورا کە گرنگایەتی تایبەتی ھەیە ،  لە سەرانسەری ئێران بە رەچاوکردنی مەودا ، لە شوێنەکانی تایبەتی تازیەداری بەڕێوەچوو . 

حەزرەتی حسێن کوڕی عەلی(ع) نەوەی پەیامبەری ئیسلام(دخ) لە ساڵی 61 ی کۆچی لە کەربەلا لە تەمەنی 57 ساڵیدا ھاوڕێی 72 یاوەری ئەمەگناسی شەھید کرا.