لێکەوتنی گوللە ھاوەنەکانی شەڕی قەرەباغ لە ناوچە سنووریەکانی ئێران
تشرینی یه‌که‌م 05, 2020 21:56 Asia/Tehran
فەرمانداری شاری سنووریی خودائافەرین ی ئێران بە ئاماژە بە توندبوونی ھەمدیسانی تێکھەڵچوونی نێوان ھێزەکانی ئازەربایجان و ئەرمەنستان گوتی ، ژماری ئەو گوللە ھاوەنانەی لە ناوچە سنووریەکانی باکووری رۆژاوای ئێران دەکەون زیادی کردووە .
عەلی ئەمیری راد ئەمڕۆ دوشەممە لە وتووێژ لە گەڵ ئیرنادا گوتی دوانیوەڕۆی ئەمڕۆ زیاتر لە 10 گوللە ھاوەنی دیکە کەوتوونە دەوربەری گوندەکانی ئەم شارە لە پارێزگەی ئازەربایجانی رۆژھەڵات .
نابراو بە ئاماژە بەوەی کە ئەم گوللە ھاوەنانە تا ئێستا زیانی گیانیان نەبووە لەسەر پاراستنی گیانی ھاوڵاتیان و ماڵ و سامانی ئەوان جەختی کردەوە .
پێشتر وتەبێژی وەزاڕەتی دەرەوەی ئێران گوتبووی : ئێران ھیچ دەسدرێژیەک لە لایەن ھەرکام لەو دوو وڵاتە بۆ سەر خاکی خۆی تەحەمول ناکات .
