وتەبێژی باڵای ھێزە چەکدارەکانی ئێران: وتەکانی سەرۆکی ئەرکانی سوپای ئیسرائیل وەھمە
کانونی دوھەم 28, 2021 10:44 Asia/Tehran
وتەبێژی باڵای ھێزە چەکدارەکانی ئێران ڕایگەیاند: وتەکانی سەرۆکی ئەرکانی سوپای ئیسرائیل وەھمە.
بە پێی ڕاپۆرتی ھەواڵدەریی ئێران پرێس، سەردار «ئەبولفەزڵ شکارچی» وتەبێژی باڵای ھێزە چەکدارەکانی ئێران ڕۆژی چوارشەممە وتیشی: وتەکانی ئەم دواییەی سەرۆکی ئەرکانی سوپای ڕژێمی زایونی لە بارەی لەنێو بردنی دامەزراوەی ناڤۆکی و بنکە موشەکییەکانی ئێران وەھمەو وا دەر دەخات کە لە دەستەڵاتی سەربازیی ئێران تێ نەگەییشتوون.
سەردار «ئەبولفەزڵ شکارچی» وتیشی: مەشقە سەربازییەکانی ئەم دواییەی ھێزە چەکدارەکان، بەشێک لە تواناییەکانی کۆماری ئیسلامیی ئێران پیشان دەدات، ھەڵبەت دیارە توانایی ھێزە چەکدارەکانی ئێران بە ڕادەیەکە کە کەمترین ھەڵەی ڕژێمی زایونی و دوژمنان لێبڕاوانە وەڵام دەداتەوە.
