سەرۆکی ژووری بازرگانیی ھاوبەشی ئێران و عێراق رایگەیاند عێراق بەشێک لە قەرزی ئێرانی داوەتەوە .

یەحیا ئالی ئیسحاق سەرۆکی ژووری بازرگانیی ھاوبەش ئێران و عێراق لە وتووێژ لە گەڵ ھەواڵدەریی رادیۆ تەلەفزیۆنی ئێران دا گوتی : بەشێک لە قەرزی 7 ملیار دۆڵاریی لە عێراق وەرگیراوە و پرۆسەی وەرگرتنی ئەم قەرزانە بە پێی رێکەوتنی بانکە ناوەندیەکانی دوو وڵات درێژەی ھەیە . 

 ئالی ئیسحاق بە ئاماژە بەوەی کە قەرزی ئێران لەسەر عێراق دەگەڕێتەوە بۆ ھەناردەی گاز و کارەبا گوتی : بانکە ناوەندیەکانی ئێران و عێراق رێککەوتنامەیەکیان ھەیە کە بە گوێرەیەوە بانکی ناوەندیی ئێران بەشێک لە قەرزەکانی سەر عێراق بۆ کڕینی کەلوپەلی پێوێست لە رێگەی عێراقەوە خەرج دەکات و بەشێکیشی بە پارە ئەدرێتەوە بە ئێران .