سەرکەوتوو بوونی زانستوەرانی ئێرانی لە پاڵاوتنی پاشەڕۆی ئەتۆمی
زانستوەرانی پیشەسازیی ئەتۆمیی ئێران بە زاڵ بوون بە سەر بایکۆتەکاندا توانیان بە داڕشتنی سیستەمێکی ئێرانی، پاشەڕۆی پیشەسازیی ئەتۆمیی بپاڵێون و بیکەنە ئاوی بەکەڵک بۆ کشت و کاڵ.
بە هۆی هەوڵی زانستوەرانی ئێرانی لە توێژینگەی زانست و تەکنۆلۆژیای ئەتۆمی بۆ یەکەم جار لە ئێران سیستەمی پاڵاوتنی ئاوەڕۆی ئەتۆمی کە لە نێو لیستی بایکۆتدایە، کرا بە ئێرانی و خۆجێی و نیوەپیشەسازی.
لە هەموو جیهاندا لەو چەشنە سیستەمی پاڵاوتنی ئاوەڕۆی پیشەسازی تەنیا لە سێ وڵاتی ئەمریکا، ئەڵمان و ژاپۆندا هەیە کە ئەمڕۆکە ئیتر ئێرانیش بووە بە یەکێک لە خاوەنانی ئەو تەکنۆلۆژیایە.
ئەم سیستەمە بە ئەنجام دانی دوو قۆناغى پاڵاوتن لە سەر ئاوەڕۆ و پاشماوەی پیشەسازی دەکاتە ئاوی پاڵوێراوی بە کوالیتی باش.
دەکارهێنانی دوو قۆناغی پاڵاوتنی ژینگەیی و پاڵاوتن بە دەکارهێنانی فیلتێری غەشایی ، تایبەتمەندیی بەرچاوی ئەم سیستەمەیە بە مەبەستی پاراو و پاڵێورا کردنی ئاوەڕۆ.
