وتەبێژی وەزاڕەتی دەرەوەی ئێران : ئەمریکا دانوستانەکانی ڤیەنای راگرت
May 02, 2022 15:11 Asia/Tehran
وتەبێژی وەزاڕەتی دەرەوەی ئێران بە ئاماژە بە دانوستانەکانی ڤیەنا گوتی : رێککەوتنامە ئامادەی واژۆکرانە بەڵام ئەمریکا دانوستانەکانی راگرت .
سەعید خەتیب زادە وتەبێژی وەزارەتی دەرەوەی ئێران لە دیمانەیەک دا لە گەڵ کەناڵی تەلەفزیۆنیی ئەلمنار گوتی : رێککەوتن لەسەر تەوەرەکانی دانوستان لە ڤیەنا ئامادە و چاوەڕوانی واژوکرانە بەڵام ئەمریکا دانوستانی بە ھەندێ پرس کورت کردووەتەوە و رایگرتووە .
خەتیب زادە بە ئاماژە بەوەی کە ئەمریکا ناتوانێ لە بارەی ئەم بابەتانە بڕیاری سیاسیی بدات ، جەختی کردەوە : بەداخەوە حکومەتی بایدێن لە جیاتی سەلماندنی راستگۆیی لە وتاردا ، ھەندێ لە ھەڵوێستەکانی حکومەتی تڕامپی گرتووەتەبەر .
نابراو لە بارەی دانوستانی نێوان تاران و ریازیش گوتی ، ھەوڵ ئەوەیە تا دوو لایەن لە تەوەرەکانی جێی ناکۆکیی بە تێگەیشتنی ھاوبەش بگەن .
