وتەبێژی ڕێکخراوی وزەی ئەتۆمیی ئێران وتی: لە زنجیرەی نوێی ماشینە سانتریفیوژەکان کە دوو هەفتە پێش ڕەوتی دامەزراندن و گازگەیاندنەکەی لە فۆردۆ کۆتایی هات، ئۆپەراسیۆنی 20 لەسەدی لێ هەڵگیرا.

ە پێی ڕاپۆرتی ئاژانسی هەواڵی مێهر، بەهرووز کەمالوەندی وتەبێژی ڕێکخراوی وزەی ئەتۆمیی ئێران بە ئاماژە بە بڵاو بوونەوەی هەواڵگەلێک لە مێدیا نێودەوڵەتییەکان لەسەر " بەرزبوونەوەی ڕێژەی پیتاندنی ئۆرانیۆم لە ئێران" وتی: گازگەیاندن بە زنجیرەیەکی نوێ لە ماشێنە سانتریفیوژەکانی IR6 لانیکەم دوو هەفتە پێش بە ئاژانس ڕاگەیێندرابوو، و پێشتر ئاژانس لە ئەو بارەوە ڕاگەیاندنی دەرکرد کە دەستبەجێ، مێدیا نێودەوڵەتییەکان بە ئامانجی شوێنگیری مەبەستی تایبەت، ئەوەیان زەق کردەوە.

ناوبراو گوتیشی: هەوڵی ڕۆژی ڕابردووی ئێران لە بەرهەمهێنانی بەرهەمی 20 لەسەدی لەو زنجیرەیە بەشی تەکنیکییەکەی ڕاگەیێندرابوو کە لەلایەن ئاژانسی نێودەوڵەتی وزەی ناڤۆکییەوە پێشتر ڕاگەیێندرا و لەم دواییەدا تاقی کرایەوە.