لەناوبرانی تیمێکی تیرۆریستی لە پارێزگای خوزستانی ئێران
ڕێکخراوەی ئیتلاعاتی سپای پاسدارانی شۆڕشی ئیسلامی لە پارێزگای خوزستان تیمێکی تێکدەر و تیرۆریستی تێکشکاند کە لە لایەن وڵاتێکی ئەوروپییەوە پاڵپشتی و داکۆکی کرابوو.
سەرچاوەیەکی ئەمنیی ئاگادار لە چاوپێکەوتنێکدا لەگەڵ ئاژانسی هەواڵدەریی فارس ڕایگەیاند: تیمێکی تێکدان و تیرۆر لە خوزستان کە لەلایەن وڵاتێکی ئەوروپیەوە پاڵپشتی و داکۆکیی دەکرا، لە ئۆپەراسیۆنەکانی ڕێکخراوی ئیتلاعاتی سپای پاسداران بەر لە گرتنەبەری هیچ هەنگاوێک تەفروتونا کرا.
ئەم سەرچاوە ئەمنییە ئاگادارە، دەستگیرکردنی ئەندامانی ئەو تیمە تێکدان و تیرۆرەی لە ئەهواز ڕاگەیاند.
ئەم سەرچاوە شارەزایە ڕوونیشی کردەوە: پاڵپشتی و ڕێنمایی ئەم تیمە تیرۆریستییە لە لایەن وڵاتێکی ئەوروپیەوە پێشکەش کراوە.
به پێی ئەم سەرچاوه ئاگادارە ، دانپێدانانی ئەندامانی دەستگیرکراوی ئەم تیمه تێکدەره پلاکانی بۆ تیرۆرکردنی کۆمەڵێک لە خەڵک و کەسایەتییە عەرەبەکان له خوزستانی ئاشکرا کرد.
ئەم سەرچاوە ئاگادارە ڕاشیگەیاند کە ئامانجی ئەم تیمە دووبارەکردنەوەی سیناریۆی کوشتن و ڕێکخستنی ئاژاوەی هاوشێوەی زاهیدان و ئەردەبیل لە خوزستانە.
لە مانگی تشرینی یەکەمی ئەمساڵدا دوو سیخوڕی فەرەنسی لە ئێران دەستگیرکران و دانیان بەوەدا نا کە وەک گەشتیار گەشتێکیان بۆ ئێران کردووە بۆ ئەوەی ئاژاوە لە خوزستان دروست بکەن.
