دیداری فەرماندەران و ئەندامانی هێزی ئاسمانیی ئێران لەگەڵ ڕابەری مەزنی شۆڕشی ئیسلامی
شوبات 08, 2023 12:02 Asia/Tehran
هاوکات لەگەڵ ١٩ی ڕێبەندان، ساڵڕۆژی بەیعەتی مێژوویی کۆمەڵێک لە ئەندامانی ھێزی ئاسمانی لەگەڵ ئیمام خومەینی (رە) لە ساڵی ١٣٥٧، کۆمەڵێک لە فەرماندەران و کارمەندانی هێزی ئاسمانی و بەرگریی ئاسمانیی ئێران بەیانیی ئەمڕۆ چوارشەممە لەگەڵ ڕابەری مەزنی شۆڕشی ئیسلامی دیداریان کرد.
لە ١٩ی ڕێبەندانی ساڵی ١٣٥٧ی کۆچیی ھەتاوی، (٨ی فڤریەی ساڵی ١٩٧٩ی زایینی) کۆمەڵێک لە ئەندامانی هێزی ئاسمانیی ئەرتەشی ئێران لە قوتابخانەی عەلەویی تاران لەگەڵ حەزرەتی ئیمام خومەینی (رە) دامەزرێنەری مەزنی کۆماری ئیسلامیی ئێران دیداریان کردو بە فەرمی پەیڕەوی کردن لەو حەزرەتەیان ڕاگەیاند.
شۆڕشی ئیسلامیی ئێران لە ڕێکەوتی ١١ی فڤریەی ساڵی ١٩٧٩ (٢٢ ڕێبەندانی ١٣٥٧) بە سەرکردایەتیی ئیمام خومەینی (رە) دامەزرێنەری گەورەی کۆماری ئیسلامیی ئێران سەرکەوت.
