ئێران، یەک لە وڵاتانی سەرکەوتووی جیهانە لەبواری بەرگریی ئاسمانی، مووشەکی و درۆنی
فەرماندەری هێزی هەوا-فەزای سپای پاسدارانی شۆڕشی ئیسلامی وتی: ئێران لەبوارەکانی سیستەمی بەرگریی ئاسمانی، مووشەکیی و درۆنی، یەک لە وڵاتانی سەرکەوتووی جیهان بەئەژمار دێ.
سەردار"ئەمیرعەلی حاجی زادە" توانای بەرگریی ئێران لە بەراوەرد لەگەڵ سەردەمی شەڕی داسەپاوی بە یەکجار پێشکەوتە زانی و وتی: ئەمڕۆکە ئێران گەیشتووەتە قۆناخێک کە سوپای ترۆریستیی ئەمریکا لەناوچەدا بەئاشکرا دان بەوەدادەنێ کە لەدووی شەڕ لەگەڵ ئێراندا نیە.
سەردار حاجی زادە هەروەها وتی: هێزە چەکدارەکانی ئێران دەتوانن ئامانجە دەریاییەکان بپێکن و بە کەڵک وەرگرتن لە خۆفڕە پێشکەوتەکان کە بەچاو نابینرێن، هەڵمەتی ناسکردن لەهەر شوێنێکدا ئەنجام بدەن.
هێزە چەکدارەکانی ئێران بەو هەوڵ و کۆششەی گرتوویانەتەپێش، دەسکەوتی زۆر گرینگیان بەدەستهێناوە لەبواری سازکردنی چەکئامێر، سەتەلایتهەڵگر، کەرەستەی سەربازی و فڕۆکەی جەنگی، بەجۆرێک کە لە چەند ساڵی ڕابردوودا، بەسەدان جۆر درۆنی ستراتژیک، جەنگی، ناسکردن، تێکشکێنەر و راداری لەقەبارەیەکی زۆردا لەباری ژمار و جۆراوجۆریی، بە ئەرتەشی کۆماری ئیسلامیی ئێران زیادکراو بووەهۆی ئەوەی هیچ وڵاتێک بەخەیاڵیش بیر لە هێرشکردنەسەر ئێران نەکاتەوە.
