باڵوێزی ئێران: هەناردەی گازی ئێران بۆ عێراق، گەڕایەوە باری ئاسایی
باڵوێزی ئێران لە عێراق رایگەیاند؛ هەناردەی گازی ئێران بۆ عێراق بەپێی ئەو قەبارەی ڕێککەوتنی لەسەرکراوە، دەسپێبووە.
"محەممەد کازم ئالی سادق" باڵوێزی ئێران لە بەغدا، رایگەیاند: بەپێی ئەو ڕێککەوتننامەی لەنێوان ئیران و عێراقدا واژۆکراوە، ٤٠ بۆ ٥٠ملوێن مەتری سێ جا گاز لە رۆژدا، هەناردەی ئەو وڵاتە دەکرێ.
ئالی سادق وتیشی: ئێران هەمیشە لە دۆسیەی وزە، داکۆکی لە عێراق کردووەو راژەکارییەکانی دەخاتەبەردەست چ لە ڕێی هەناردەکرانی گاز و چ لەڕێی هەناردەی راستەوخۆی کارەبا بۆ ئەو وڵاتە.
ناوبراو هەروەها وتی: لەم دواییەدا ئێران هەڵمەتی چاک کردنەوەو ئاگاداریی ساڵانەی هێڵەکانی بۆریی گاز بۆ بەکارهێنان لە هەناردەکران، ئەنجام داوە. ئەگەرچی گاز کەمیی کردبوو بەڵام هەناردەکرانی بەتەواوەتی نەپچڕابوو و گەڕی گاز بۆ باری ئاسایی وپێشووتری گەڕاوەتەوە.
باڵوێزی ئێران لە عێراق لەدرێژەی قسەکانیدا وتی: ڕێککەوتنێک لەگەڵ عیراق کراوە لەسەر هەناردەی ٤٠بۆ٥٠ملوێن مەتری سێ جا گاز بۆ خرانەگەڕ و بەکارهێنرانی لە هازگەکانی کارەباو ئەوە ئەو بابەتەیە کە تاران کاری لەسەر دەکاو ئێمە جەخت دەکەینەوە لەوەی کە هاوینی داهاتوو شایەتی چوونەسەری ئاستی هەناردەی گاز بۆ عێراق بین.
