وەزیری دەرەوەی ئێران لە نامەیەکدا بۆ سەرۆکی ئەنجومەنی ئاسایش نووسی: ڕژێمی زایۆنی بە دەستدرێژییە سەربازییەکانی ئەم بەیانییەی هەموو هێڵە سوورەکانی بەزاندووە و دەبێ بکەوێتە بەر لێپرسینەوە.

سەید عەباس عەراقچی لەم نامەیەدا ئەو کردەوە شەڕاشۆیانەی بە ڕاگەیاندنی شەڕ لە دژی ئێران وەسف کرد و داوای کرد ئەنجومەنی ئاسایش دەستبەجێ بەدواداچوونی ئەم پەلامارە بکات. عەراقچی جەختی لەوە کردەوە کە پەلامارەکانی ڕژێمی زایۆنی پێشێلکارییەکی گەورەی سەروەری و یەکپارچەیی خاکی ئێران وەک وڵاتێکی سەربەخۆی ئەندامی نەتەوە یەکگرتووەکان و دەستدرێژییەکی ئاشکرایە بۆ سەر ئێران. ناوبراو پێیداگرت: ئەنجومەنی ئاسایش دەبێ بە پێی جاڕنامەی نەوەتە یەکگرتووەکان بەرپرسیارێتی خۆی بەجێ بێنێ و بە تووندی ئەم دەستدرێژییە مەحکووم بکات و ڕێوشوێنی دەستبەجێ و دیاریکروا بۆ لێپرسینەوە لە ڕژێمی زایۆنی بگرێتەبەر.