سووتانی 10 هەزار دۆنم ڕەز و باخ لە ئامێدی بە هۆی بوردومانی تورکیا
ئاب 10, 2020 10:58 Asia/Tehran
لە ئامێدی بەهۆی شەڕی پەکەکە و تورکیاوە 10 هەزار دۆنم رەز و باخ سووتاون و 500 ملیۆن دینار زیان بە جووتیاران گەیشتووە.
کەناڵی ڕوداو بڵاویکردەوە کە 50 گوندی ناحیەی چەمانکێ بەهۆی بۆردوومانەوە چۆڵکراون و زیاتر لە 10 هەزار دۆنم ڕەز و باخ سووتاون.
هەروەها ڕاگەیێندراوە کە ئێستا وەرزی لێکردنەوەی ترێ، سماق و بادەمە، بەهۆی شەڕی پەکەکە و تورکیاوە جووتیاران ناتوانن بچنە نێو رەز و باخەکانیان.
ناحیەی چەمانکێ 65 گوندی هەیە، 50یان لەبەر شەڕ چۆڵکراون.
