56 قوربانی و 1 هەزار و 671 تووشبووی نوێ دوایین ئاماری کۆرۆنا لە تورکیا
ئه‌یلوول 12, 2020 15:05 Asia/Tehran
وەزیری تەندروستیی تورکیا ڕایگەیاند لە ماوەی ٢٤ کاتژمێری رابردوودا، 56 کەسی دیکە لەو وڵاتە بەهۆی کۆرناوە گیانیان لە دەستداوە.
ڕۆژی شەممە 12ی ئەیلوولی 2020 وەزیری تەندروستیی تورکیا، فەخرەدین کۆجا ڕایگەیاند: ئەمڕۆ 1 هەزار و 671 حاڵەتی تووشبوون بە ڤایرۆسی کۆرۆنا تۆمار کراوە، بەمەش ژمارەی گشتیی تووشبووان گەیشتە 288 هەزار و 126 کەس.
هەروەها راگەیەندرا لە تورکیا لە ماوەی ٢٤ کاتژمێری رابردوودا، 56 کەس گیانیان لەدەست داوە و کۆی گشتیی ئەوانەی گیانیان لەدەست داوە گەیشتە 6 هەزار و 951 کەس.
