کاردانەوەی هەدەپە بە وتەکانی دەوڵەت باغچەلی : لە باتی داخستنی هەدەپە دەمتان دابخەن
پارتی دیموکراتیکی گەلانی تورکیا لە پەیامێکدا کاردانەوەی پیشاندا بە داخوازی هەڵوەشانەوەی ئەو پارتە لە لایەن سەرۆکی پارتی توندڕۆی مەهەپە .
بە دوای ڕەخنەی توندی دەوڵەت باغچەلی سەرۆکی پارتی بزاڤی نیشتمانیی تورکیا( مەهەپە) ، لە پارتی دیموکراتیکی گەل هەدەپە و داخوازی هەڵوەشانەوەی ئەو پارتە ، هەدەپە لە کاردانەوە بەو وتانە ، لە پەیامێکدا لە پەیجی فەرمیی خۆی لە توئیتر نووسی، وڵاممان بە باغچەلی ئەمەیە : دوژمنانی سەرەکی ئەو وڵاتە کەسانێکن کە بە پشت بەستن بە دەسەڵاتداران و پەنا بردن لە ژێر سای کوشکی سەرۆک کۆماریەتی دەست ئەدەنە مافیاگەری . ئێمە بە پێچەوانەی ئێوە و هاوبیروڕاکانتان دیموکراسی بۆ ئەو وڵاتە دێنین .
هەدەپە لە درێژەی ئەو پەیامەدا ڕوولە باغچەلی وتیشی : ئەگەر لە باتی داخستنی هەدەپە دەمتان دابخەن ، بەس خزمەتێکی گەورەتان بە داهاتووی ئەو وڵاتە کردووە
