تورکیا ئامادەی ھاوکارییە لەگەڵ عێراق دا بۆ خەباتی دژی چەکداران لە شنگال
وەزیری بەرەڤانیی تورکیا ئەمڕۆ چوارشەممە بە بێ ئەوەی کە ناوی تاقمێکی تایبەتی بھێنێ وتی: وڵاتەکەی ئامادەی ھاوکارییە لەگەڵ عێراق دا بۆ وەدەرنانی چەکداران لە گردوپەڕی شنگال.
بە پێی ڕاپۆرتی ئیرنا، «خلوسی ئاکار» وەزیری بەرەڤانیی تورکیا ئەمڕۆ چوارشەممە لە شاری ھەولێری ھەرێ می کوردستان وتی: لە قۆناغی داھاتوودا شایەتی گۆڕانکاریی زۆر گرینگ دەبین لە نێوان عێراق و ھەرێ می کوردستانی ئەم وڵاتە لەگەڵ تورکیا لە بواری خەباتی دژی تیرۆریزم.
وتیشی: بەغداو ئانکارا سوورن لە سەر کۆتایی ھێنان بە تیرۆریزم لە ڕێگای ھاوکارییەک کە تورکیا لەگەڵ دەوڵەتی ناوەندی و حکومەتی ھەرێمی کوردستانی عێراق دەیکات.
وەزیری بەرەڤانیی تورکیا وتیشی: ئانکارا لە نزیکەوە ڕەوتی وەدە رنرانی چەکداران لە گردوپەڕی ناوچەی شنگال لە باکووری ڕۆژئاوای پارێزگای نەینەوای عێراق پێ و شوێن دەگرێت و ئامادەی داکۆکی لە ھاوتای عێراقیی خۆی لەم بوارەدایە.
وەزیری بەرەڤانیی تورکیاو شاندەکەی یاوەری ڕۆژی دووشەممە گەییشتە عێراق.
