دادگایەک لە ئانکارا ئەندامێکی باڵای پەکەکەی بە بڕیاری گرتنی کاتی راپێچی بەندیخانە کرد .

بە پێی راپۆرتی ماڵپەڕی تەرەتەی تورکیا ، ئیبراھیم پاریم کە  وەک بەرپرسی لۆجستیکی پەکەکە ناوی براوە ، دوێنی ھەینی راپێچی بەندیخانە کرا . 

ئەو لە ھەڵمەتێکی ھاوبەشی پۆلیس و رێکخراوی ھەواڵگریی نیشتمانیی تورکیا لە ناوچەی شنگال دەسگیر کرا و 10ی شوبات بۆ تورکیا برا . 

پاریم کە ساڵی 2015 چووە رێزەکانی پەکەکە ، بە ئامادەبوون لە ناڕەزایەتیەکانی ناسراو بە ناڕەزایەتیەکانی کۆبانی لە ساڵی 2014 لە شاری وانیش تاوانبارە .