راگێندرانی باری نائاسایی لە پارێزگەی ماردین
شوبات 22, 2021 17:36 Asia/Tehran
حکومەتی تورکیا بە بیانووی شەڕی پەکەکە ، لە 18 ناوچەی پارێزگەی ماردین باری نائاسایی راگەیاند .
پارێزگاریی ماردینی تورکیا بە دەرکردنی راگێندراوێک باسی جێبەجێ کرانی یاسا و رێسای تایبەتی سەربازیی لە 18 ناوچەی گردوپەڕی سێ شاری کزیل تەپە ، مازی داغ و دریک ی کرد بۆ دەسپێکردنی ھەڵمەتی نوێ لە دژی پەکەکە .
لە راگێندراوەکەی پارێزگاریی ماردین دا ھاتووە : لە کاژێر شەشی بەیانی بە کاتی خوجێیی 22ی شوباتەوە تا کاتێکی نادیار شارومەندان بێ وەرگرتنی موڵەت لە ناوەندە ھاوپێوەندەکان بۆیان نیە پێ بنێنە ئەو ناوچانە .
بەر لەوە کاربەدەستانی تورکیا ، پەکەکەیان بە بەرپرسی کوژرانی 13 لەشکەری و ھێزی ئاسایشیی لە چیای گارە دەزانی و پەکەکە ئەم بانگەشەی حکومەتی تورکیای رەتکردووەتەوە و دەڵێ ئەو کەسانە لە پەلامارەکانی ئەرتەشی تورکیادا کوژراون .
