تەقینەوەو ئاگرکەوتنەوە لە ناوەندی گەشەی سەربازیی ئەستەمۆڵ
نیسان 08, 2022 13:55 Asia/Tehran
سێ تەقینەوەو ئاگرکەوتنەوە لە ناوەندی توێژینەوەو گەشەو مەشقی سەربازیی ئەستەمۆڵی تورکیا ڕووی دا.
بە پێی ڕاپۆرتی ھەواڵدەریی ئانادۆلو، بەیانیی ئەمڕۆ ھەینی ئاگرکەوتنەوە لە ناوەندی توێژینەوەو گەشەو مەشقی سەربازیی ئەستەمۆڵی تورکیا بووەھۆی ڕوودانی سێ تەقینەوە لە نێو ئەم ناوەندەدا.
دوابەدوای ئاگرکەوتنەوەو تەقینەوەکان تیپەکانی ئاگرکوژێنەوە لە شوێنی ڕووداوەکە ئامادە بوون. ھێشتا ھۆکاری ئاگرکەوتنەوەو تەقینەوەکان ڕوون نەبووەتەوە.
بە پێی زانیارییە سەرەتاییەکان ئەم ئاگرکەوتنەوەو تەقینەوانە زیانی گیانیی لێ نەکەوتووەتەوە، ئەمە جیا لەوەی کە ھێشتا لە ڕادەی زیانی ماددی لە شوێنی ڕووداوەکەدا ھیچ زانیارییەک لە بەردەست دا نییە.
