وتووێژی تەلەفۆنیی ئەردۆغان و پوتین لە بارەی گۆڕانکاریەکانی ئۆکراین
سەرۆک کۆمارانی تورکیا و روسیا لە پێوەندیەکی تەلەفۆنی دا لە بارەی ئۆکراینەوە قسەیان کرد .
نوسینگەی سەرۆکایەتی تورکیا رایگەیاند رەجەب تەییب ئەردۆغان سەرۆکی ئەم وڵاتە و ڤلادیمیر پوتین سەرۆکی روسیا لەم پێوەندیە تەلەفۆنیەدا ، نوێترین گۆڕانکاریەکانی ئۆکراینیان تاووتوێ کرد .
ئیبراھیم کالین وتەبێژی سەرۆک کۆماریی تورکیاش کە سەردانی کییەفی کردووە ، دوێنێ یەکشەممە بانگەشەی ئەوەی کرد درێژەی دانوستانەکان لە تورکیا دەتوانێ رۆڵێکی گرنگی ھەبێ لە کۆتایی ھێنان بە شەڕی ئۆکراین و روسیا .
رەجەب تەییب ئەردۆغان سەرۆکی تورکیا بە جاران بە ھۆی ھێرشی سەر ئۆکراین رەخنەی لە روسیا گرتووە بەڵام لە لایەکی دیکەوە دەیھەوێ رێگاکانی پیوەندیی لە گەڵ مسکۆ بە کراوەیی بمێنێ .
رەخنەکانی ئەردۆغان لە روسیا لە کاتێکدایە کە ئەرتەشی تورکیا بەشێک لە خاکی وڵاتانی سوریا و عێراقی داگیر کردووە و بووەتە ھۆی ئاوارە بوونی ھەزاران کەس لە ماڵ و حاڵیان .
