هێزە ئەمنییەکانی تورکیا پێش ئەنجامدانی هەر ئۆپەراسیۆنێکی تیرۆریستی، چوار تۆمەتباری داعشیان دەستگیرکرد.

لە چەند حەوتەی ڕابردوودا دەیان گومانلێکراوی داعش لە شارە جۆربەجۆرەکانی تورکیا، لەوانە ئەنقەرە، ئەستەنبوڵ، بورسا، ئەدەنە، شانلی ئورفا و سامسۆن دەستگیرکراون.

بەگوێرەی ڕاپۆرتی هەواڵدەریی ڕادیۆو تەلەفزیۆن، شەوی ڕابردوو لە ئۆپراسیۆنێکی هاوبەشی هێزەکانی ھەواڵگریی تورکیا و پۆلیسی تورکیا لە ماڵێک لە شاری "یەلوڤا" کە دەکەوێتە ڕۆژئاوای ئەم وڵاتە، چوار تۆمەتباری داعشیان دەستگیر کرد.

دەستبەسەرکراوان ھاوڵاتیی  بیانین.

بڕێکی زۆر بۆمبای دەستکردو چەک و بەڵگەنامە و نەخشەی شوێنە گرنگ و پڕحەشیمەتەکانی شارەکانی تورکیا لە حەشارگەی ئەو گومانلێکراوانەی داعش دەستی دۆزراونەتەوەو دەستیان گیراوە بەسەردا.