ڕووداوێکی ھاتوچۆ بۆ مینی پاسێکی پەنابەران لە تورکیا کارەساتی لێ کەوتەوە
کانونی یه‌که‌م 16, 2022 23:14 Asia/Tehran
ڕوودانی کارەسات بۆ ترۆمبیلێکی ھەڵگری کۆچبەرانی نایاسایی لە تورکیا لانیکەم 31 کوژراوو برینداری لێ کەوتەوە.
بە پێی ڕاپۆرتی هەواڵدەریی ڕادیۆو تەلەفزیۆنی ئێران، لە ئەنجامی ڕوودانی کارەسات بۆ ترۆمبیلێکی ھەڵگری پەناخوازان لە تورکیا لانیکەم ، ٦ کەس گیانیان لەدەست داو ٢٥ کەسی دیکەش بریندار بوون.
سەرچاوه پزیشکییەکان وایان بڵاو کردووەتەوه کە باری تەندروستیی ٥ برینداری دیکەی کارەساتەمکە شپرزەو ناجێگیره .
وەک ژێدەرە ھەواڵدەرییەکان باسیان کردووە ئەم ڕووداوە لە یەکێک لە ڕێگا لاوەکیەکانی شاری «حەران»ی سەربە پارێزگای «شانلی ئورفا» لە باشووری تورکیا قەوماوە.
ھەتا ئێستا هیچ هەواڵێک لەسەر ڕەگەزنامەی ئەو پەناخوازانە بڵاونەکراوەتەوە.
