دەستگیرکردنی هەشت تۆمەتباری پەیوەندیدار بە داعش لە ئەستەمۆڵ
May 04, 2023 21:24 Asia/Tehran
پۆلیسی تورکیا دەستگیرکردنی هەشت تۆمەتباری پەیوەندیدار بە تاقمی تیرۆریستیی داعش لە ئەستەمۆڵی ڕاگەیاند.
بەگوێرەی ڕاپۆرتی هەواڵدەریی ئەنادۆڵ، بریکارەکانی لقی دژە تیرۆری ئیدارەی پۆلیسی ئەستەمۆڵ ٨ کەسیان بە تۆمەتی هاوکاری لەگەڵ تاقمی تیرۆریستی داعش دەستبەسەر کردووە.
بە پێی ئەم ڕاپۆرتە، داواکاری گشتیی ئەستەمۆڵ ڕایگەیاندووە کە لە ئەنجامی لێکۆڵینەوەکان ١١ گومانلێکراو بە هاوکاری و پێوەندی لەگەڵ تاقمی تیرۆریستی داعش لەم شارە ناس کراون کە ھەتا ئێستا ھەشت کەسیان دەستبەسەرکراون و ھەوڵی ھێزەکانی ئاسایشت بۆ گرتنی سێ کەسەکەی دیکە ھەروا بەردەوامە.
