خرانەخوارەوەی فڕۆکەی بێ فڕۆکەوانی تورکیایی لە کەرکووک
ئاب 29, 2024 19:50 Asia/Tehran
سەرچاوەکانی هەواڵ ڕایانگەیاند کە خۆفڕێکی تورکیایی بەهۆی مووشەکێکی زەوی بەئاسمان لە گەڕەکی تسین"ی شاری کەرکووک خراوەتە خوارەوە.
"ژینڕاڵ ساڵح حڕز"ی فەرماندەری هەڵمەتەکانی کەرکووک ڕایگەیاند کە هێزی بەرگری ئاسمانی عێراق خۆفڕێکی نەناسراویان لە نێوەڕاستی پارێزگەی کەرکووک خستۆتە خوارەوە.
ناوبراو وتی ئەو خۆفڕە نەناسراوە کە هیچ فەرمانێک بۆ فرینەکەی لەو سنورەدا نەبوە لە گەڕەکی "تسین"ی شاری کەرکووک خراوەتە خوارەوە.
سەرچاوەیەکی ئاسایشیش ڕایگەیاند کە ئەو خۆفڕە کە خراوەتە خوار لە تورکیاوە هاتوەو سەرچاوەیەکی دیکەش لەو پاڕێزگە ڕایگەیاند کە ئەو خۆفڕە کەوتۆتە نێو ماڵێک لەنێوڕاستی ئەو پاڕێزگە کە تاڕادەیەک ئاگری تێ بەر بوو بەشێکی دیکەشی لە شوێنێکی دیکە داکەوت.
