گوێزرانەوەی بەرچاوی هێز و کەرەستە
ئه‌یلوول 21, 2024 20:06 Asia/Tehran
سوپای تورکیا، کاروانێکی گەورەی هێزی سەربازی و ئۆتۆمبیلی زرێپۆشی رەوانەی ناوچەی ئامێدی کرد لە هەرێمی کوردستانی عێراق.
سوپای تورکیا هاوکات لەگەڵ ڕەوانەکردنی هێزی تازە بۆ چەند ناوچەیەکی هەرێمی کوردستانی عێڕاق، بەرزاییەکانی دەورووبەری گوندی "برچی" بە خەستی بۆردومان کرد.سەرچاوە خۆجێیەکان لە هەرێمی کوردستان ڕایانگەیاند، سوپای تورکیا کاروانێکی گەورەی هێزی سەربازی و کەرەستەی قورسی زرێپۆشی لە ناوەندی شاری ئامیدی بەرەو ناوچەکانی دێرلوک و شیلادزێ لە باکوری عێراق ڕەوانە کردووە.بەقسەی سەرچاوە خۆجێیەکان، ئەو کاروانە داگری ژمارێکی زۆری ترۆمبیلی زرێپۆش و هێزی سەربازی بووە کە بۆ بەهێزکردنی پێگەکانی سوپای تورکیا لەو ناوچانە، ڕەوانە کراون.تورکیا لە چەند ساڵی ڕابردوودا بەبیانووی سەرکوت کردنی هێزەکانی پەکەکە چەند ناوچەیەکی خاکی عێراق و سوریای داگیرکردووە.
