دیداری ڕێبەرانی کوردی تورکیا لەگەڵ دەمیرتاش لە زیندان
شاندێکی گەورەترین پارتی سیاسی لایەنگری کوردەکان لە تورکیا لەگەڵ سەلاحەدین دەمیرتاش یەک لە ڕێبەرانی بەناوبانگی کوردەکانی ئەم وڵاتە لە بەندیخانەدا دیداری کرد
سێ کەسایەتی باڵای پارتی یەکسانی و دیموکراسی گەل ناسراو بە دەم پارتی لە لەگەڵ سەلاحەدین دەمیرتاش هاوسەرۆکی و پێشووی ئەم پارتە لە بەندیخانەی ئەدرنە لە نزیکی سنووری یۆنان دیداریان کرد. دەمیرتاش لە بەیاننامەی کە پاش ئەم دیدارە لە تۆڕە کۆمەڵایەتییەکان بڵاو کرایەوە داوای لە هەموو لایەنەکان کرد؛ با تەرکیز بکەینە سەر داهاتوویەکی هاوبەش کە تێیدا هەمووان، هەموومان سەرکەوتوو بین. ناوبراو جەختی کرد کە سەرباری لە ئارادابوونی نیازپاکی و خۆشنییەتی، پێویستە هەنگاوگەلێکی بەرچاو کە متمانەچێکەر بن، خێراتر هەڵگردرێ.
دیدار لەگەڵ دەمیرتاش کە لە ساڵی ٢٠١٦ـەوە بە تۆمەتی تیرۆریزم زیندانی کراوە و زۆربەی چاودێران لەوان دادگەی مافی مرۆڤی ئەورووپا لە بەندکرانی دەگەڕێننەوە بۆ ئەوەی ویست و ئامانجی سیاسی لە پشتەوەیە، دوو هەفتە پاش دیداری ئەندامانی دەم پارتی لەگەڵ عەبدوڵڵا ئۆجالان ڕێبەری زیندانیی پەکەکە بەڕێوە چوو.
