دەمیرتاش بەشێوەی کاتی ئازادکرا
ئادار 04, 2025 17:43 Asia/Tehran
سەڵاحەدین دەمیرتاش هاوسەرۆکی پێشووتری پارتی دیموکراتی گەلان بە پێی مۆڵەتی کاتیی سەرۆککۆماری تورکیا و بەشێوەیەکی کاتی لە زیندان هاتە دەر ەوە.
سەڵاحەدین دەمیرتاش داواکارییەکی پێشکەش بە وەزارەتی دادی تورکیا کردبوو و داوای مۆڵەتی دەرچوونی لە زیندان کردبوو، بۆ ئەوەی یاوەری هاوسەرەکەیی بێت لە کاتی نەشتەرگەری لە نەخۆشخانەکانی ئەستەموڵ. وەزیری دادی تورکیا ئەو داواکارییەی گەیاندوەتە کۆشکی سەرۆکایەتی و بە ڕەزامەندی ڕەجەب تەیب ئەردۆغان، دەمیرتاش گوێزراوەتەوە بۆ نەخۆشخانەیەکی ئەستەموڵ.
بە پێی ڕاپۆرتی میدیاکانی تورکیا؛ دەوڵەت باخچەلی سپاسی سەڵاحەدین دەمیرتاشی کردوە بۆ پشتیوانی لە پرۆسەی ئاشتی. سەڵاحەدین دەمیرتاش هاوسەرۆکی پێشووتری پارتی دیموکراتی گەلان (هەدەپە) لە ساڵی 2016وە لەلایەن دەسەڵاتی تورکیاوە زیندانیکراوە.
