دادستێنی گشتیی ئەستەنبوڵ، "ئاکین گۆرلەک"، سزاخواستەکەی شارەوانیی گەورەشاری ئەستەنبوڵی بڵاو کردەوە و تێیدا داوای دوو هەزار و ٣٥٢ ساڵ زیندانی کردووە بۆ ئەکرەم ئیمامئۆغڵوو .

پرۆسەی ئامادەکردنی سزاخواستی تایبەت بە  ئەکرەم ئیمامئۆغڵوو، سەرۆکی پێشووی شارەوانیی گەورە شاری ئەستەنبوڵ کە ئێستا لە بەنددایە، تەواو بووە و دادستێنی گشتی داوای زیاتر لە دوو هەزار و ٣٠٠ ساڵ زیندانی کردووە بۆی. نووسینگەی دادستێنی گشتیی ئەستەنبوڵ گەیشتۆتە ئەو ئەنجامەی کە ئیمامئۆغڵوو تیمێکی تێکدەر و جەنایەتکاری هەبووە. لەو سزاخواستە ئامادەکراوەیەدا، لەبەر ١٤٢ کەتن ویاساشکێنی داوازی سزا کراوە بۆ ئیمامئۆغڵوو و کۆی سزای پێشنیارکراو بۆی گەیشتۆتە دوو هەزار و ٣٥٢ ساڵ.