ئاگرکەوتنەوە لە هەمماری چەکەمەنی و تەقەمەنیی سوپای ڕووسیا لە ناوچەی سیبری چەن کوژراو و برینداری لێکەوتەوە.

بە پێی ڕاپۆرتی ئیرنا لە مۆسکۆوە؛ بە هۆی ئەو ئاگرەی نیوەڕۆی دووشەممە بەربوویە هەمماری چەکەمەنیی یەکەی تۆۆپخانەی سوپای ڕووسیا لە پارێزگای "کراسنۆیارسک"ی سیبری ، یەک کەس کوژرا و هەشت کەسیش بریندار بوون.

ئەو ئاگرە ناوچەی تایبەتی چەکەمەنی و  تەقەمەنیی کۆنی سووتاند کە تێیدا نزیکەی ٢٥ هەزار گوللە و تۆپی نەتەقاوە ڕادەگیردرێ.

بە هۆی ئەو تەقینەوانە شوشەی پەنجەرەکانی ئەم ناوچەیە هەموو ورد و خاش بوون و پڵاشەی گوللە تۆپەکان هەتا مەودای ١٥  کیلۆمەتریش فڕە درا.

کاربەدەستێکی ئیدارەی کات و ساتی نائاسایی ڕووسیا وتی: بڕیارە نزیکەی ١١ هەزار دانیشتووی ئەو ناوچەیە کە ماڵیان نزیکی ئەو هەمماری چەکەمەنییەیە بگوازرێنەوە بۆ جێگایەکی دیکە.