«بایدێن» دوای «ڤیسکانسێن» «ترەمپ»ی لە «میشیگان»یش دا بەزاند
تشرینی دووه‌م 05, 2020 04:31 Asia/Tehran
واڵ ستریت ژۆرناڵ: تیمەکەی «بایدێن» بۆ وەرگرتنی پۆستی سەرۆکایەتیی کۆماری ئەمریکا لە «ترەمپ» ئامادە دەبن.
«جۆبایدێن» چەند چرکەیەک لەمەوپێش توانی بە شکست پێ ھێنانی «دۆناڵد ترەمپ» خەنیمی ھەڵبژاردنەکەی ف ١٦ دەنگی ئلێکتراڵی ویلایەتی «میشیگان»یش مسۆگەر کات و تێکڕای دەنگەکانی ئلێکتراڵی خۆی بە ٢٦٤ دەنگ بگەیەنێت.
لەم پەیوەندییەدا ڕۆژنامەی «واڵ ستریت ژۆرناڵ» سەرلەبەیانیی ڕۆژی پێنج شەممە نووسی: سەرباری ئەوەی کە ھێشتا دەرەنجامی ھەڵبژاردنەکانی ٢٠٢٠ وەکوو پێویست ڕوون و زوڵاڵ نییە، بەڵام تیمەکەی «بایدێن» خەریکی خۆسازدانە بۆ وەرگرتنی پۆستی سەرۆک کۆمارەتیی ئەمریکا لە «ترەمپ»و ھاوڕێکانی.
