وتەبێژی کاروباری دەرەوەی کۆریای باشووری تیرۆری زانای ھەڵکەوتەی بواری ناڤۆکی و بەرەڤانیی ئێرانی ئیدانە کرد.

بە پێی ڕاپۆرتی ھەواڵدەریی یونھاپ، «چوی یونگ سام» وتەبێژی وەزارەتی دەرەوەی کۆریای باشووری ڕۆژی چوارشەممە تیرۆری شەھید «موحسین فەخری زادە» زانای ئێرانی لە بوارەکانی بەرەڤانی و ناڤۆکیی ئیدانە کرد.

یونگ سام وتیشی:«سئول جەخت لەوە دەکاتەوە کە وەھا ھەنگاوگەلێکی توندوتیژ بە قازانجی سەقام و ئاشتیی لە ناوچەی ڕۆژھەڵاتی ناڤین دا نییە.

ئەم دیپلۆماتە کۆریاییە وتیشی: بە سەرنجدانی نەبوونی دڵنیایی لە بارەی ڕەوشتی ڕۆژھەڵاتی ناڤینەوە، دەوڵەتی کۆریای باشووری نەیاری ھەرچەشنە ھەنگاوێکە کە ئاڵۆزییەکان پەرە پێ بدات و شوێن لە سەر سەقامی ناوچەکە دابنێت.