گۆتریش خوازیاری چەسپێندرانی ئاگربڕی خێرا بوو لە ئۆکرانیا
«ئانتۆنیۆ گۆتریش» سکرتێری گشتیی ڕێکخراوەی نەتەوەکان خوازیاری چەسپێندرانی خێرای ئاگربڕی مرۆڤ دۆستانە بوو لە ئۆکرانیا بۆ ئەوەی بەستێن بۆ بەرەوپێشچوونی دانوستانێکی بەبڕشتانەی سیاسی بڕەخسێت.
بە پێی ڕاپۆرتی ئیرنا، سکرتێری گشتیی ڕێکخراوەی نەتەوەکان ڕۆژی دووشەممە بە کاتی خۆجێیی لە نێو ئاپۆڕەی پەیامنێران وتیشی: خوازیاری دامەزرانی ئاگربڕێکی خێرای مرۆڤ دۆستانەم بۆ ئەوەی بەستێن بۆ بەرەوپێشچوونی دانوستانێکی بەبڕشتانەی سیاسی بە مەبەستی دەست ڕاگەییشتن بە ڕێککەوتنی ئاشتی بە گوێرەی بنەماکانی جاڕنامەی ڕێکخراوەی نەتەوەکان بڕەخسێت.
گۆتریش وتیشی: لە «مارتین گریفتیس» ڕێکخەری کاروباری مرۆڤ دۆستانەی ڕێکخراوەی نەتەوەکان لە سەرتاسەری جیھان داوام کردووە کە خێرا لەگەڵ لایەنە تێکھەڵچووەکان ڕێککەوتنی شیمانەیی بۆ ئاگربڕی مرۆڤ دۆستانە لە ئۆکرانیا تاوتوێ بکات.
جەختی لەوەش کردەوە کە، لە سەرەتای ھێرشەکەی ڕووسیا لە مانگێک لەمەوبەرەوە ئەم شەڕە بووەتە ھۆی کوژرانی بێ ئەنجامی ھەزاران کەس و ھەڵوەدا ب..نی دەیان ملوێن کەس کە بە گشتی ژن و منداڵن و ھەروەھا تێکدران و کاول بوونی ژێرخانەکان و ھەڵکشانی لە ڕادەبەدەری نرخی خۆراک و وزە لە سەرتاسەری جیھان.
