سکرتێری گشتیی ناتۆ گوتی ، سەرباری قسە ھاویشتنی حیساب بۆنەکراو ، ھیچ نیشانەیەک لەسەر ئامادەباشی ناڤۆکیی روسیا نیە .

بە پێی راپۆرتی سپوتنیک ، یەنس ستۆلتێنبێرگ، سکرتێری گشتیی ناتۆ لە دیمانەیەک دا لە گەڵ مدیایەکی ئاڵمانیی لە وڵامی ئەم پرسیارە کە ئاخۆ ھێزە ناڤۆکیەکانی رووسیا زیادیان کردووە گوتی : نەخێر ، لە دەسپێکی ھێرشی روسیاوە بۆسەر ئۆکراین ، ناتۆ ھیچ گۆڕانێکی لە ستراتژیای ناڤۆکیی مسکۆدا نەبینیوە . 

 ستۆلتنبێرگ گوتیشی : ئێمە فڕھاوێژیە ھەڕەشاویەکانی مسکۆ دەبیسین و ئەمە نابەرپرسانە و حیساب بۆنەکراوە . شەڕی ناڤۆکی ھیچ براوەیەکی نیە . 

 ئەم دواییانە ڤلادیمیر پوتین سەرۆکی روسیا ئەگەری دەکارھێنانی چەکی ناڤۆکیی  لە لایەن روسیای رەت نەکردبووەوە .