جەختی وەزیری بەرگریی پێشووی فەرەنسا لەسەر درۆودەلەسەی ئەمریکا سەبارەت بە عێراق
وەزیری بەرگری پێشووی فەرەنسا جەختی لەوە کردەوە کە ئەمریکا پێش ئەوەی هێرش بکاتە سەر عێراق بە ئامانجی فریودانی هاوپەیمانە ئەوروپییەکانی درۆی پێ کردن.
بە پێی ڕاپۆرتی هەواڵدەریی ڕادیۆو تەلەفزیۆنی ئێران، «میشێل ئێلیۆماری» وەزیری بەرگریی پێشووی فەرەنسا ئاشکرای کرد، «دۆناڵد ڕامسفێڵد»، وەزیری بەرگریی پێشووی ئەمریکا، لە میانەی کۆبوونەوەیەکدا لەگەڵ وەزیرانی بەرگریی وڵاتانی ئەوروپا لە پراگ یان وارشۆ، وێنەی مانگی سەتەلایتیی دامەزراوە مەدەنییەکانی عێراقی وەک سەکۆی هەڵدانی موشەک لە قەڵەم دا بوو.
شەڕی ئەمریکا دژی عێراق لە ساڵی ٢٠٠٣ سەری ھەڵداو لە ئەنجامدا عێراق ڕووبەڕووی قۆناغێکی توندوتیژی و ناسەقامگیریی بووەوە.
کاتێک هێزە سەربازییەکانی ئەمریکا لە ساڵی ٢٠١١ بە فەرمی عێراقیان بەجێهێشت، ئەوە ڕاگەیەندرا کە شەڕی ئەمریکا لە دژی عێراق نزیکەی ٧٥٠ ملیار دۆلار زیانی گەیاندووە و زیاتر لە چوار هەزار و ٤٠٠ کەس کوژراون و ٣٢ هەزار کەسیش بریندار بوونە.
