مــــــن مــــوسڵمــانـــــم.... کەوا بوو ھەم
هاوسۆزی و هاوکاریی پەنابەرانی موسڵمانی ڕۆهینگیا بۆ گەلی تورکیا. موسڵمانە ئاوارەکانی ڕۆهینگیا لە کەمپەکانی باشووری بەنگلادیشەوە هاوکاریی مرۆڤییان بۆ لێقەوماوانی بوومەلەرزە لە تورکیا ڕەوانە کرد.
موسڵمانە ئاوارەکانی ڕۆهینگیا کە بەهۆی هەڵسوکەوتی جیاکاری میانمارەوە ناچاربوون ماڵەکانیان بەجێ بهێڵن و لە کەمپەکانی بەنگلادیشدا لە بارودۆخێکی زۆر سەختدا دەژین، هاوکارییان بۆ هاوئایینە موسڵمانەکانیان لە تورکیا ناردووە.
بەپێی هەواڵێکی ئاژانسی ئەنادۆڵ، هاوکارییەکانی پەنابەرانی موسڵمانی ڕۆهینگیا کە لە کەمپەکانی باشووری بەنگلادیش نیشتەجێن، داگری ٧٠٠ بەتانی و ٢٠٠ چاکەتە کە ھەرھەمووی گەیەندراوەتە دەسەڵاتدارانی تورکیا.
بەگوێرەی سەرچاوە ئاگادارەکان، ئەم بەشدارییە نەختینەیی و نانەختینەییە گەیەنراونەتە دەستی بەرپرسانی دەزگای هەماهەنگی و هاوکاریی تورکیا (تیکا) لە داکا.
ئەم یارمەتییە مرۆڤییانە لە ھەل و مەرجێکدا لە لایەن بێ پەسیوانی ڕووھینگیاییەوە بۆ خەڵکی موسڵمانی تورکیا دەنێردرێت کە ڕێکخراوە نێودەوڵەتییەکان هۆشدارییان داوە لە دەرئەنجامی کەم و کوڕی و کاریگەرییەکانی لەسەر دۆخی موسڵمانانی ڕۆهینگیا لە کەمپەکانی بەنگلادیش.
