درانی بەرنووسی بڕیارنامەی شەرمەزارکردنی پەلاماری زایۆنیستەکان بۆسەر کۆنسۆلخانەی ئێران بە ئەنجوومەنی ئاسایش
جێگر یەکەمی نوێنەری هەمیشەیی روسیا لە ڕێکخراوی نەتەوە یەکگرتوەکان ڕایگەیاند کە وڵاتەکەی بەرنووسی بڕیارنامەیەکی داوتە ئەنجوومەنی ئاسایش کە تێیدا پەلاماری زایۆنیستەکان بۆسەر کۆنسۆلخانەی ئێران لە دیمشق، شەرمەزار کراوە.
دیمیتری پولیانسکی وتی: ئەمە دەرفەتێکی دیکەیە بۆ تاقیکردنەوەی نیازی ڕاستەقینەی هاریکارە ڕۆژئاوایەکان و ئێمە لەو ڕاگەیاندراوەدا لێکدانەوەی خۆمان لە ڕوداوەکان هێناوەتە بەرباس و لە کۆتایی دا ئەو پرسیارەمان لە هاریکارەکانمان لە ئەنجوومەنی ئاسایش پرسیوە کە بێتوو نوێنەرایەتی دیپلۆماتیکی وڵاتێکی دیکەی وەک ئەندامێکی ئەو ئەنجوومەنە یان وڵاتێکی ڕۆژئاوایی هێرشی بکرایە سەر چ دەبوو؟ ئاخۆ ئێوە هەروا بێدەنگ دەبوون بەرامبەری و شەرمەزارتان نەدەکردو سەرەخۆشیتان لێ نەدەکردن؟
بەوتەی پۆلیانسکی نوێنەری وڵاتانی رۆژئاوایی هیچ وڵامێکیان نیە بۆ پرسیارەکانی ڕوسیاو سەبارەت بەهەر شتێک قسەیان کردبێ کردویانە جگە لە پەلامری ئاسمانی بۆسەر ناوەندێکیدیپلۆماتیک.
هەربۆیە ئێمە لەو بڕیارنامەدا پێداگریمان کردوە کە بێتوو دۆخەکە شپرزەتر ببێ بەرپرسایەتیەکەی لە ئەستۆی ئەمریکاو ئینگلیزو فەڕانسایە، کە هیچ کات توانای شەرمەزارکردنی پەلامارەکەی ئیسڕائیلیان نەبوو هاوکاتیش داخی خۆی دەربڕی لە سکرتاریای ڕێکخراوی نەتەوە یەکگرتوەکان هیچ ڕاگەیاندراوێکی بەئاراستەی شەرمەزارکردنی ڕژیمی زایۆنیستی دەرنەکردو تەنانەت بەشێوەی ڕاستەوخۆ کردەوەی ئەو ڕژیمەشی لێک نەدایەوە.
