بەرزکردنەوەی سکاڵا بە دژی ڕژێمی زایۆنیستی بۆ دیوانی نێودەوڵەتی سزا لەبەر کوشت وبڕی ڕۆژنامەنووسان لە غەززە
پەیامنێرانی بێ سنوور سکاڵایەکی نوێیان لەبەر تاوانکاری جەنگی ڕژێمی زایۆنیستی بە دژی ڕۆژنامەنووسان لە کەرتی غەززە ، بۆلای دیوانی نێودەوڵەتی سزا، بەرزکردوەتەوە.
ڕێکخراوی پەیامنێرانی بێ سنوور ئەمڕۆ لە بەیاننامەیەک دا داوای لە دادئەسنێنی دیوانی نێودەوڵەتی سزا کرد تاوانکارییەکان بە دژی لانیکەم نۆ پەیامنێری فەلەستینی لەلایەن ڕزێمی زایۆنیستی لە بەرواری پازدەی دیسەمبەری 2023 هەتا بیستی مای 2024 پێ و شوێن بگرێ .
ڕێکخراوی پەیامنێرانی بێ سنوور لەم بەیاننامەیەدا وتیشی ئەمە سێیەمین سکاڵا لەسەر کوژرانی ڕۆژنامەنووسان لە غەززە بۆ دیوانی نێودەوڵەتی سزایە دوای سکاڵاکانی سی و یەکی ئوکتوبەر و بیست و دووی دیسەمبەر.
ئەم ڕێکخراوە نادەوڵەتییە پێداگری کرد سەنەدوبەڵگەی بڕواپێکراوی لەبەردەست دایە لەسەر ئەوەی کە ژومارێک لەم ڕۆژنامە نووسانە بە ئەنقەست کوژراون و هەندێکی تر بوونەتە قوربانی پەلاماری بەئەنقەستی سوپای ئیسرائیل بە دژی خەڵکی سیڤیل .
