پەلاماردانی نەخۆشخانەکان و خەڵکی مەدەنی جەنایەتی جەنگییە
کۆمیسەری مافی مرۆڤی ڕێکخراوی نەتەوە یەکگرتووەکان وتی: پەلاماری بە ئەنقست بۆ سەر نەخۆشخانەکان و خەڵکی مەدەنی جەنایەتی جەنگی دێتە ئەژمار.
فولکەر تورک وتوویەتی: بەربڵاو بوونی پەلامارەکانی ئیسراییل بۆ سەر نەخۆشخانەکانی غەززە پیشاندەری ئاوڕنەدانەوەی ئاشکرا لە یاسا و ڕێسای مرۆڤ دۆستانەی نێودەوڵەتییە. ناوبراو بە ئاماژە بە نالەباربوونی ڕەوشی مرۆیی لە غەززە وتی؛ بە پێی ئەو ڕاپۆرتانەی گەیشتووەتە دەستمان، ئەشکەنجە و هەڵس و کەوتی پڕتووند و تیژی لە نەخۆشخانەی کەمال عدوان بە ئاشکرا دەکرێت و چارەنووسی حیسام ئەبووسەفییە بەرپرسی ئەم نەخۆشخانەیەش نادیارە.
فولکەر تورک وشداری داوە کە دەبێ لێکوڵینەوەیەکی سەربەخۆ ئەنجام بدرێ و بنپێکەرانی یاسا و ڕێسا نێودەوڵەتەکەیان لە غەززە بخرێنە بەر لێپرسینەوە و دادگەیی کرانەوە و هەموو ستافی پزشکیی گیراو لە غەززەش دەبێ خێرا ئازاد بکرێن.
