SAHAR

سەرۆکی یەکێتی جیهانی زانایانی موسڵمان پلانی دۆناڵد ترەمپ سەرۆکی ئەمریکا بۆ گواستنەوەی دانیشتوانی غەززە بۆ ئوردن و میسر و وڵاتانی دیکە بە زۆر مەترسیدار وەسف کرد.

عەلی قەرەداغی، سەرۆکی یەکێتی جیهانی زانایانی موسڵمان، داوای لە ئومەتی ئیسلامی و جیهانی عەرەبی کرد، دژایەتی پلانی ترەمپ بکەن بۆ ئاوارەبوونی فەلەستینیەکان لە کەرتی غەززە و پشتیوانی خەڵکی غەززە بکەن لە دژی ئەم پلانە، کە بە مەترسیدارترین پلانی مێژووی فەلەستین دەزانێت. عەلی قەرەداغی ڕایگەیاند، کەمتەرخەمی لە پرسی دەرکردنی دانیشتوانی غەززە، خەیانەتێکی گەورەیە و وتی: پلانەکانی وەک پلانی ترەمپ سەبارەت بە غەززە هەڕەشەن بۆ سەر ئاسایش و سەقامگیری ناوچەکە و جیهان. ئاماژەی بەوەشکرد، ئەو پرسە تەنها پەیوەندی بە فەڵەستینییەکانەوە نییە، بەڵکو نیگەرانییەکی جیهانییە