SAHAR

پاپا لێئۆ ڕێبەری کاتۆلیکەکانی جیهان شەهید کرانی منداڵە فەلەستینییەکانی ئیدانە کرد و داوای دامەزرانی ئاگربەس لە کەرتی غەززەی کرد .

پاپا لێئۆی  چواردەهەم ، ئەمڕۆ  وێڕای داواکاری لەسەر دامەزرانی ئاگربەس لە غەززە، داوای لە ڕژێمی زایۆنیستی کرد یاسا نێودەوڵەتییەکان ڕەچاو بکات .

پاپا لە وتاردانی حەوتانەی دا لە مەیدانی سێنت پیتر  وتی : لە کەرتی غەززە  هاواری دڵتەزێنی دایک و باوکان کە تەرمی منداڵەکانیان لە ئامێز گرتووە دەگاتە ئاسمان،  من جارێکی تر داوا  دەکەم ،  شەڕ کۆتایی پێ بهێنن،  بە تەواوی ڕێزبگرن لە یاسا مرۆییەکان .

ناوبراو  وتی ڕەوشی غەززە دڵتەزێن و جێی نیگەرانییە و داوای لە ڕژێمی زایۆنی کرد  مۆڵەتی ئەوە بدات یارمەتییە مرۆڤدۆستانەکان بگەنە  کەرتی غەززە .