لافاوە وێرانکەرەکان لە باشووری ڕۆژهەڵاتی ئاسیا؛ زیاتر لە ٣٠٠ کوژراو و هەزاران ئاوارە
تشرینی دووه‌م 29, 2025 21:02 Asia/Tehran
باران و زریانێکی توند لە ئەندونێزیا تایلەند، مالیزیا و وڵاتانی دیکەی باشووری ڕۆژهەڵاتی ئاسیا بووەتە هۆی دروستبوونی لافاو و جمینی زەوی و بەهۆیەوە سەدان کەس گیانیان لەدەستداوە
لە دورگەی سوماترا لانیکەم سەد و حەفتاو چوار کەس بەهۆی لافاو و جمینی زەوی گیانیان لەدەستداوە و تا ئێستاش نزیکەی هەشتا کەس بێسەروشوێنن. لە باشووری تایلەند، ١٤٥ کەس بەهۆی لافاوەوە گیانیان لەدەستداوە. لە مالیزیا دوو کەس گیانیان لەدەستداوە و بەشێک لە باکوری ئەو وڵاتە هێشتا لە ژێر ئاودایە. هەروەها باران و لافاو بووەتە هۆی ئاوارەبوونی هەزاران کەس لە باشووری ڕۆژهەڵاتی ئاسیا .
