ڕێپێوانی ملوێنیی خەڵکی ئێران بۆ شەرمەزار کردنی تیرۆریزمی زایۆنی- ئەمریکی و جەنایەتی تیرۆریستان و ئاژاوە گێڕان دەنگدانەوەیکی بەربڵاوی لە مێدیاکانی ناوچەدا بوو .

 ڕێپێوانی بەربڵاوی خەڵک لە سەرتاسەری ئێران بە تایبەت لە تاران بۆ پشتیوانی لە حکومەت و شەرمەزار کردنی  بەربڵاوی  ئاژاوە گێڕییەکانی ئەم دواییە لە شارە جۆراوجۆرەکان، دەنگدانەوەیەکی بەربڵاوی لە نێو مێدیاکان و بەکارهێنەرانی  تۆڕە کومەڵایەتییەکانی  پاکستانیدا بوو . وێنە و ڤیدیۆ بڵاو کراوەکان لە تۆڕە کۆمەڵایەتییەکاندا بە تایبەت لە نێو بەکارهێنەرانی پاکستانی نیشان ئەدات کە ئەو ڕێپێوانە  دەنگدانەوەی بەربڵاوی بەدواوە بووە  و وەک   نیشانەیەک لە  یەکڕیزی و یەکگرتوویی نیشتمانی و  شەرمەزار کردنی توند و تیژیی  پێشوازی لێکرا. میدیاکانی پاکستان لە بەشە هەواڵەکانیاندا ڕووماڵی ڕێپێوانەکەیان کرد و لێدوانی بەرپرسانی ئێرانیان سەبارەت بە ڕۆڵی  بەکرێگیراوانی  بیانی لە پەرەپێدانی نائارامییەکان و دەستوەردانی ئەمریکا لە ڕووداوەکانی ئەم دواییەدا بڵاوکردەوە. هەروەها  کاناڵی  ئەلمەیادینیش  بە شێوەیەکی ڕاستەوخۆ ڕووماڵی خۆپیشاندانی ملیۆنان کەسی لە ئێران کرد کە تێیدا  بشێویی  چەکدارانە و کردەوەی دڕندانەی تیرۆریستانی چەکدار شەرمەزار کرا.